Familia horiei laguntzeko asmoz eta gure tokiko koordinatzaileen proposamenari jarraituz, 2014an Emakume Abeltzainen 5 Kooperatiba sortu genituen. Kooperatiba bakoitza 5 emakumek osatzen dute – Toki-garapeneko elkarteek hautatzen dituzte, egoera bereziki ahulean dauden emakumeak –. Instalazio iraunkorrak ematen dizkiegu (metalezko estalkia duten zementuzko kotxetegiak; ikus 1. irudia) baita ere bi txerri eme, hazitarako txerri bat eta urtebeterako pentsua. Helburua da, aurreago hazitako txerriak saldu ahal izatea eta diru horrekin bizi iraupena bermatzeko elikagaiak erostea eta baita ere seme-alaben eskola-tasak ordaintzeko dirua edukitzea.

Era berean, simaurrak bere baratzeei emankortasuna itzultzeko balio du, bertako landare-hondakinek txerriak elikatzen baitituzte, horrela, eskolen antzeko ekoizpen-ziklo agrojasangarria osatuz. Bestalde, kooperatiba horiek konpromiso bat hartzen dute, hau da, jaiotako txerriki berrien zati bat emakume-talde berriei ematea. Horri esker, gaur egun 10 talde dira eta 50 familiak jasotzen dute proiektuaren onura zuzena.

Helburuak eta jarduerak:

2014an Saluganda proiektuaren testuinguruan hasitako lan-ildo honen helburu nagusiak honako hauek dira:

• • • MFamilia horien bizi-baldintzak hobetzea, diru-sarrerak emanez;
    • Emakumeen ahalduntzea sustatzea, lan kooperatiboaren eta nekazaritza eta abeltzaintzako prestakuntzaren bidez;
    • Seme-alaben eta/edo biloben eskolatzea erraztea, orain eskola-tasak ordain ditzaketelako.

Horretarako, urtero kooperatiba berri bat sortzeaz eta kooperatiba hori autosufizientziarako beharrezko azpiegitura eta baliabideez hornitzeaz gain, aurrekoei laguntza ematen diegu:

• • • Laguntza ekonomikoa: 100 kg-ko 4 pentsu-zaku, urteko eskakizunen erdiaren baliokidea.
    • Nekazaritza eta abeltzaintzako prestakuntza-tailerrak urtero: familiako baratzeetako azpiproduktuekin animalien dieta osatzeko moduak, simaurra ongarri gisa konpostatzea eta aprobetxatzea, hibridoak ez diren haziak banatzea, etab.
    • Hilekoaren osasunari buruzko tailerrak eta urtean bildutako haurren arropa-banaketa .
    • Albaitaritza-zerbitzuak: parasitoen aurkakoak, etab.

Azkenik, 2020an, hamaikagarren taldea sortzeaz eta aurreko hamarrei laguntzen jarraitzeaz gain, familia horiei eguzki-sukaldeak eman nahi dizkiegu, helburu bikoitzarekin: batetik, haien bizi-kalitatea hobetzea, eta bestetik, salmentatik datozen diru-sarrera berriak sortzea. Beraiek etxeko materialekin fabrikatu ahal izango baitituzte sukalde hauek.